RSS

‘१५ लाखमा किनेर बिहे गरेको रहेछ’

काठमाडौं-अघिल्ला तीन दिनझैं त्यस दिन पनि चिनियाँ युवकले उनलाई जबर्जस्ती गर्न खोज्यो। उनले मानिनन्। चिनियाँ नागरिकसँग ‘कोर्ट म्यारिज’ गरी चीनकै एक विकट गाउँमा पुगेकी ती नेपाली युवतीले संकल्प गरेकी थिइन्, ‘बरु मर्छु, शरीर सुम्पिन्नँ।’ घटना यही २०७१ माघ २४ गते रातको हो। जबर्जस्ती गर्न खोज्ने व्यक्ति अरू होइन, आफ्नै लोग्ने थिए, कागजी हिसाबले। व्यवहारमा भने उनीहरुबीच यसअघि पति–पत्नीको कुनै सम्बन्ध गाँसिएको थिएन। पर्वतकी संगीता घिमिरे (नाम परिवर्तन) लाई कागजी पतिको नाम धरी याद छैन।

करिब ९ बजेको हुँदो हो। त्यस दिन जबर्जस्ती गर्न नपाएपछि त्यो चिनियाँ पुरुषले रक्सीको बोतल खोल्यो र चुरोट सल्काउँदै कोठाको एकछेउ बसेर पिउन थाल्यो। बेलाबेला संगीतातिर खाउँलाझैं गरी हेर्थ्यो। उनी निदाएझैं गरिरहेकी थिइन्। केही बेरपछि फेरि उठेर आयो र सुमसुम्याउन थाल्यो। संगीता उठ्दै नउठेपछि ऊ पनि भुतभुताउँदै ओछ्यानको अर्को छेउ पल्टियो।
‘आज (माघ २४ गते) जसरी पनि यहाँबाट भाग्छु भन्ने सोचेको थिएँ। त्यसैले निदाएको एक्टिङ गरेँ,’ भागेर नेपाल फर्कन सफल संगीताले नेपाल प्रहरीको केन्द्रीय अनुसन्धान ब्युरो (सिआइबी) कार्यालयमा नागरिकसँग आफ्नो कथा सुनाइन्। Read the rest of this entry »

 

ट्यागहरु: , ,

जापानमा शरणार्थीको हैसियत माग्ने सबैभन्दा बढी नेपाली

refugeeकाठमाडौं, चैत ४– स्वदेशमा बस्न सक्ने स्थिति नरहेको झुटो व्यहोरा पेस गर्दै जापानमा शरणार्थीको हैसियत माग गर्ने नेपालीको संख्या ह्वात्तै बढेको छ । जापान पुगेर शरणार्थीको हैसियत माग गर्ने विदेशीमध्ये नेपालीको संख्या एक चौथाइ छ । जापानको न्याय मन्त्रालयले मंगलबार जारी गरेको सन् २०१४ को प्रतिवेदनमा जापानमा सबैभन्दा बढी शरणार्थीको हैसियत माग गर्ने नेपाली रहेको उल्लेख छ ।

प्रतिवेदनअनुसार सन् २०१४ मा १ हजार २ सय ९३ जना नेपालीले जापानमा शरणार्थीको हैसियत माग गर्दै निदेवन दिएका थिए जबकि सन् २०१३ मा यो संख्यामात्र ५ सय ४४ रहेको थियो । सन् २०१४ मा विश्वभरिका ५ हजारले जापानमा शरणार्थीका लागि आवेदन दिएका थिए । आवेदकमध्ये ११ जनालाई मात्र जापानले शरणार्थीको मान्यता दिएको छ, जसमा दक्षिण एसियाबाट एकजना पनि परेका छैनन् ।

जापानमा शरणार्थीको हैसियत माग गर्ने अधिकांश नेपाली ‘स्टुडेन्ट भिसा’ (विद्यार्थी भई) मा गएकाहरू छन् । जापान पुगेको केही समयपछि प्रशिक्षार्थी तथा विद्यार्थीले शरणार्थीका लागि आवेदन दिने गरेका छन् । आवेदन दिने ५ हजारमध्ये २ हजार ५ सय ३३ जना शरणार्थीको हैसियत पाउन पुनः निवेदन दिने थिए । प्रतिवेदनमा नेपालीको संख्या दोब्बरले बढ्नुलाई आश्चर्यका रूपमा लिइएको छ । देशमा कुनै द्वन्द्व नहुँदा पनि विभिन्न बहानामा जापान प्रवेश गरी शरणार्थीको दर्जा माग्ने नेपालीको संख्या ह्वात्तै बढेको भन्दै चिन्तासमेत गरिएको छ । Read the rest of this entry »

 

ट्यागहरु: , , ,

भोकभोकै ब्राजिलमा

एक दम्पतीको अमेरिकी सपना

सुरेन्द्र पौडेल

काठमाडौं, साउन २७ – ब्राजिलको साओ पाओलोस्थित ‘काजा’ आश्रममा छिन् सरिता गुरुङ। तनहुँ, रत्ननगर- ९ की गुरुङले आश्रममा शरण लिएको डेढ महिना भयो। बिहान सात बज्नुअघि नै एक कप चिया र दुई टुक्रा पाउरोटी निलिसक्नु पर्छ। चिया र पाउरोटीको पैसा पर्दैन। बिहान ठीक सात बजे आश्रमका कर्मचारी आएर कोठामा साँचो मार्छन्।

कर्मचारीले कोठामा साँचो मार्नुअघि नै सरिताले आश्रमबाट बाहिरिनुपर्छ। नत्र बलजफ्ती गर्छन्। त्यसपछि बन्द कोठाको साँचो साँझ सात बजे मात्र खुल्छ। साँचो खुल्नुअघि आश्रममा छिर्न मनाही छ। आश्रममा सरिता एक्ली नेपाली होइनन्, आश्रमले अन्य ६ नेपाली महिलालाई पनि शरण दिएको छ।

‘आश्रमले बिहान चिया र पाउरोटी, बेलुकी खान र बस्न दिन्छ,’ सरिताले साओ पाओलोबाट टेलिफोनमा नागरिकसँग दिनचर्या सुनाइन्, ‘एक छाक खाएर बाँचेका छौं, किनेर खाने पैसा छैन, आश्रमले जे दिन्छ- त्यही हो।’

बिहानको चिया खाएर निस्केपछि दिनभर सडकको बास। धन्न श्रीमान पनि सँगै गएका थिए, चिसो छिँडीमा बसेर भए पनि दुःख-सुखका कुरा गर्ने साथी पाएकी छन् सरिताले। पति प्रेम गुरुङ बिहान सात बजे नै आश्रम बाहिर पुग्छन्। त्यसपछि उनीहरू सँगै कहिले कता जान्छन्, कहिले कता।

आश्रममा पुरुषलाई प्रवेश निषेध छ। त्यसैले उनीहरूको भेट दिउँसो सडकमा मात्र हुन्छ। बेलुकी प्रेमको भने बासको ठेगान छैन, जहाँ मिल्छ त्यहीं। ‘सुख खोज्न आएको, झन् ठूलो दुःखको भुमरीमा परियो, दुःखले कहिँ गए पनि छाडेन,’ उनले मलीन स्वरमा भनिन्। Read the rest of this entry »

 

ट्यागहरु:

अमेरिका तस्करी हुँदै गरेका नेपाली कोस्टारिकामा समातिए

सुरेन्द्र पौडेल

काठमाडौं, साउन २६ -मानव तस्करहरूले अमेरिका लैजाँदै गरेका ७ जना नेपाली ल्याटिन अमेरिकी राष्ट्र कोस्टारिका र पानामाको सीमामा पक्राउ परेका छन्। कोस्टारिकाको सार्वजनिक सुरक्षा मन्त्रालयले एक विज्ञप्ति जारी गरी गैरकानुनी रूपमा छिरेका सात नेपाली पक्राउ गरेको पुष्टि गरेको छ।

तस्करहरूको प्रलोभनमा परी अमेरिका हिँडेका हजारभन्दा बढी नेपाली ल्याटिन अमेरिकी राष्ट्र ब्राजिल, बोलिभिया, चिली र इक्वेडरमा अलपत्र परेको खबर आएका बेला आइतबार पानामाबाट कोस्टारिका प्रवेश गरेका उनीहरूलाई त्यहाँको प्रहरीले पक्राउ गरेको हो।

नेपालीका साथमा एक कोस्टारिकन नागरिकलाई पनि प्रहरीले पक्राउ गरेको मन्त्रालयको आधिकारिक वेबसाइट डब्ल्युडब्ल्युडब्ल्यु डट एमएसपी डट गो डट सिआरमा प्रकाशित विज्ञप्तिमा उल्लेख छ। नेपाली नागरिकको तस्करी गरेको आरोप पक्राउ परेका कोस्टरिकन नागरिक लिडजामा रुइजलाई लगाइएको छ।

पानामा सीमानजिक कोस्टारिकाको दक्षिणी भागमा गुडिरहेको ट्रक सुरक्षा जाँच गर्ने क्रममा सात नेपालीसहित एक कोस्टारिकन नागरिक फेला परेको विज्ञप्तिमा उल्लेख छ। नेपालीलाई राखी निकारागुवातर्फ गुड्दै गरेको ट्रक कोस्टारिकन नागरिकले नै चलाएका थिए। पक्राउ परेका नेपालीको नाम र ठेगाना भने खुलाइएको छैन।

‘जसरी विदेशी यहाँ आएर पक्राउ परेका छन्, उनीहरूसँग प्रहरीले लिएको बयानका आधारमा घटना मानव तस्करी नै हो भन्ने देखिन्छ,’ सात नेपाली पक्राउ परेपछि कोस्टारिकाको सार्वजनिक सुरक्षा मन्त्रालयद्वारा जारी विज्ञप्तिमा छ, ‘उनीहरू दक्षिण अमेरिकाका विभिन्न राष्ट्र पार गरी कोस्टारिकाको सान जोसतर्फ जाँदै गर्दा पक्राउ परेका हुन्।’ Read the rest of this entry »

 

ट्यागहरु:

२२ लाख तिरेर अमेरिका हिँडेका हजार नेपाली अलपत्र

सुरेन्द्र पौडेल

काठमाडौं, साउन २५- राष्ट्रिय तथा अन्तर्राष्ट्रिय मानव तस्करहरूको प्रलोभनमा परी अमेरिका जान भनी हिँडेका हजारभन्दा बढी नेपाली ल्याटिन अमेरिकाका विभिन्न देशमा अलपत्र परेका छन्। तस्करहरूले मोटो रकम लिई अमेरिका छिराइदिने भन्दै ल्याटिन अमेरिकी देश ब्राजिल, चिली, बोलिभिया, इक्वेडरलगायत देशमामा पुर्‍याएर छाडिदिएको अलपत्र परेकाहरूले बताएका छन्।

तस्करहरूले मेक्सिकोबाट अमेरिका प्रवेश गराउने भनी प्रतिव्यक्ति १५ देखि २२ लाख रुपैयाँ लिई ल्याटिन अमेरिकी राष्ट्र पुर्‍याई अलपत्र पारेको उनीहरूले टेलिफोनमा बताए। अमेरिका प्रवेश गराइदिन्छु भन्ने तस्करहरूले छाडी फरार भएपछि आफूहरूको विचल्ली भएको उनीहरूले बताए।

‘हामी ९० जना अहिले ब्राजिलको साओ पाओलोमा अलपत्र परेका छौं, खान र बस्ने कुनै ठेगान छैन,’ तस्करहरूको फन्दामा परी ब्राजिलमा अलपत्र परेका पोखराका २२ वर्षीय रविन गुरुङले टेलिफोनमा नागरिकसँग भने, ‘कोही पुलमुनि सुतेका छौं, कोही टेन्टमा।’

दुई महिनाअघि गुरुङसहित ८ जना काठमाडौंबाट कतारको दोहा हुँदै ब्राजिलको सम्पाल पुगेका थिए। त्यसपछि उनीहरूलाई अमेरिका जाने सपनामा त्यहाँ पुगेका अन्य नेपालीसँग भेट गराइएको थियो। अमेरिकातर्फ लैजाने क्रममा बोलिभियामा अप्ठ्यारो परेपछि तस्करहरूले उनीहरूलाई पुनः ब्राजिल फर्काई साओ पाओलोमा छाडेका थिए।

स-सानो समूह बनाई तस्करहरूले ब्राजिलबाट बोलिभिया प्रवेश गराउने गरेको उनले जानकारी दिए। गुरुङका अनुसार बोलिभियाबाट ९० जना फर्केर साओ पाओलो आए पनि ठूलो संख्यामा नेपाली बोलिभियामै अलपत्र परेका छन्। ब्राजिल फर्की अलपत्र परेकामा ७ जना महिला रहेको गुरुङले जानकारी दिए। ती महिलामध्ये चार जना पोखराकी शर्मिला गुरुङ, पार्वती गुरुङ, सरिता गुरुङ र संगिता छन्त्याल छन्। Read the rest of this entry »

 

ट्यागहरु: ,

बढ्दैछ आर्कषण

काठमाडौं, साउन २५ – दैनिक सयौंको संख्यामा बैदेशिक रोजगारीमा गएका नेपाली कामदार बिचल्लीमा पर्ने गर्छन् । अलपत्र परे, रोजगारदाता कम्पनीले निकालीदियो, बन्धक बनाइए, सहमति विपरित काममा लगाइयो – बिभिन्न शिर्षकमा कामदारका रोदन सञ्चार माध्यममा आउँछन् । तै पनि आकर्षक रोजगारीको खोजीमा बिदेश जानेको संख्या घटेको छैन, बर्षेनि यो संख्या बढ्दो छ ।

‘अहिले बैदेशिक रोजगारीप्रति युवाहरुको आकर्षण बढेको छ । बैदेशिक रोजगारीको अवस्था पनि सुधारोन्मुख छ,’ श्रम तथा रोजगार मन्त्रालयका सचिव सोमलाल सुवेदीले भने, ‘बैदेशिक रोजगारीमा जानेको सेवा सुविधामा सुधार भइरहेको कारण पनि जानेको संख्या बर्षेनी बढेको हो ।’

बैदेशिक रोजगार बिभागका तथ्याङ्क अनुसार गत आर्थिक बर्ष २०६८÷६९ मात्र झण्डै चार लाख नेपाली कामदार जापान, मलेशिया, दक्षिण कोरिया लगायत खाडी राष्ट्र पुगेका छन् । अघिल्लो बर्षको तुलनामा यो संख्या झण्डै ४० हजार बढि हो ।

बिभागका अनुसार आर्थिक बर्ष २०६८÷६९ मा ३ लाख ८४ हजार ६ सय ६५ जना कामदारले श्रम स्विकृती लिई बैदेशिक रोजगारीमा गएका छन्, जसमा महिलाको संख्या २२ हजार ९ सय ५८ छ । अघिल्लो आर्थिक बर्ष २०६७÷६८ मा बिभागबाट बैदेशिक रोजगारीका लागि श्रम स्विकृत लिनेको संख्या ३ लाख ५४ हजार ७ सय १६ थियो ।

‘अनधिकृत रुपमा जाने केहीले दुःख पाएका छन्, अहिलेको मुख्य समस्या पनि यही हो,’ सचिव सुवेदीले भने, ‘बैदेशिक रोजगार सरोकारवाला सबैले सहयोग गरे यो समस्या पनि घटाउन सकिन्छ । यसको लागि मन्त्रालयले पहल गरिरहेको छ ।’ Read the rest of this entry »

 

ट्यागहरु: ,

साउदीमा ६९ नेपाली बिना तलब भोकभोकै

सुरेन्द्र पौडेल, काठमाडौं, साउन ११- वैदेशिक रोजगारीको सिलसिलामा खाडी राष्ट्र साउदी अरब पुगेका ६९ नेपालीलाई रोजगारदाता कम्पनीले बिनातलब जबर्जस्ती काममा लगाइरहेको खुलेको छ। एकै घरमा राखेर सहमतिभन्दा फरक काम गर्न बाध्य पारिएका उनीहरुमध्ये दुईजना उम्केर दूतावास सम्पर्कमा आएपछि घटना सार्वजनिक भएको हो।

साउदी दूतावासका अनुसार चार महिनाअघि साउदी पुगेका उनीहरुलाई मासिक तलब नै नदिए एक छाक खानको भरमा जबर्जस्ती काममा लगाइएको छ।

‘अलपत्रमध्ये केही भर्खर दूतावासको सम्पर्कमा आएका छन्। उनीहरुलाई एउटा काममा सहमति गरी अर्को काममा लगाइएको रहेछ,’ साउदी अरबका लागि नेपाली राजदूत उदयराज पाण्डेले फोनबाट जानकारी दिए, ‘नेपाली कामदार र रोजगारदाता कम्पनीबीचको वास्तविक समस्या के हो, हामी बु‰ने प्रक्रियामा छौं।’

पाण्डेका अनुसार बानेश्वरस्थित नबिल ओभरसिजकी राधिका कटवालमार्फत उनीहरु साउदी पुगेका थिए। Read the rest of this entry »

 

ट्यागहरु:

 
Follow

Get every new post delivered to your Inbox.

Join 2,859 other followers